Etiquetas

12/3/14

Definición con imaxinación

Que é un garfo?
É o tridente do caixón Se ten catro puntas é un obxecto inconfundible con outro. Sempre ten unha guerra coas culleres pero é un bo amigo dos coitelos.
Dentro do caixón, están en diferentes rabaños, de máis pequeno a máis grande.
Coidado! se te pinchas cun, poderaste facer dano.
                                                                                                           Rubén, 5º

Que é un libro?

É un ser fantástico ou real que nos informa, en moitas ocasións, sobre determinados temas.
Ten que papar letras, oracións e frases para ser máis gordo e nutritivo e proporcionarnos información máis xugosa.
                                                                               
                                                                                                           Carmen, 5º

Que é un Pokemon?

É un ser ovíparo aéreo, terrestre ou mariño. A súa capacidade de habitar en todos os terreos, diferénciao doutros seres como os Mosuno e os Invízimal.
Acostuma vivir en lugares non transitados como: covas, desertos, bosques, océanos...
Son compasivos incluso cos seus inimigos aos que axudan excepcionalmente.

                                                                                                                  Yago, 5º


Que é unha almofada?

É un ovíparo con plumas no que soen descansar ou durmir determinados seres vivos como os humáns e algúns animais.
Son de distintas especies segundo se o seu dono ou a súa dona descansen ou durman nunha casa, nun palacio, nunha caseta... Se vive nun castelo, é da realeza e as súas plumas son como as dos cisnes. Se vive nunha casa normal e a tratan ben, as súas plumas de paxaro cambiarán de cor. Se vive nunha caseta, están acompañadas normalmente por animais que as baban  pero elas xa están acostumadas.
Son moi silenciosas. As máis habituais son blancas e blandiñas. Proporciónanche bos soños. 

                                                                                                              Cristina, 5º


Que son as gafas?

Son irmáns siamesas que sempre axudan a irmáns xemelgos. Suxéitanse, por diante, nunha montaña moi grande e, por detrás, por uns cornos.
Grazas a elas podes coñecer a moita xente, de cerca ou de lonxe. Son as mellores protectoras para o verán.

                                                                                                                   Hugo, 5º


Que é unha pantalla dixital?

A pantalla dixital ten forma cadrada e suxéitase á parede cos dentes. Case nunca responde cando lle tocas, pero hai outras que sí, emitindo sons ou cambiando a imaxe.
Se non encende é porque ten fame e necesita alimentarse de corrente eléctrica.

                                                                                                                 Adrián, 6º


Que é unha chave?

É un ser dentudo de forma curva que recorda ás serpes ou ós vermes.
Soen meterse en pequenas bocas. Pertencen a distintos rebaños dependendo das súas rechamantes e brillantes cores, da boca onde se meta ou do dono ao que pertenzan.
Viven nos caixóns dos colexios que as usan diariamente. Habitan con compañeiras formando mandas e golpeándose ruidosamente.

                                                                                                                  Silvia, 6º



Que é unha mochila?

É un ser rectangular, cuns brazos que saen da parte superior ata a parte inferior, aínda que algunhas levan rodas porque queren andar soas. 
Cando abre os dentes non para de berrar para que lles metas libros e libretas.
Adoitan vivir en mandas nos colexios e institutos e incluso nalgunhas tendas. Soe haber tantas como alumnos. 
Non son nada ruidosas.

                                                                                                                Patricia, 6º


Que é un balón de fútbol?

É un ser terrestre aínda que ás veces o vexas voar. Cando voa, a miúdo é atrapado nunha rede.
É vivíparo dende que nace ata que morre. Soe ser maltratado, pero eso non lle importa porque ten unha gran dureza.
É un trotamundos que anda rodando por todos os lados.

                                                                                                                  Sergio, 5º


Que é un prato?

É un ser circular que se o tiras ao ceo pode haber un malentendido cun OVNI. 
Reprodúcese en pratos máis pequenos que sosteñen ás tazas. 
Hai guerras entre os de plástico (os irrompibles) e os de arxila (os que rompen). 
Sempre quedan con fame porque tocan a comida pero non a saborean.
Moitos deles morren no "tiro ao prato".

                                                                                                                  Breixo, 5º



1 comentario:

  1. esta actividade me pareceu moi orixinal. aparte puxemos a imaxinación a funcionar

    ResponderEliminar